Lísa

2012-01-28T12:09:00.002Z

2012

Ég var að skauta heim úr kringlunni áðan, eitthvað að velta fyrir mér í hverju ég ætlaði á þorrablótið í kvöld og var alltíeinu farin að spá hvað það væri nú næs að vera nokkrum árum yngri. Þá nægði mér að nota púður nú þarf ég meik og skyndilega fékk ég svo mikla hugljómun að ég bara varð að blogga um hana. Fyrsta bloggfærslan í 4 ár!

Ég er 32 ára og ég þori að fullyrða að allir 32 ára hafa einhverntíman farið á smá aldursbömmer. Óskaaldurinn minn td er lengi búinn að vera 25. Þá er maður nefnilega nógu gamall til að gera allt en ekki of gamall til að gera neitt heldur. Ég hef stundum öfundað yngra fólk (hljóma eins og ég sé 80, ára ég veit) en hugljómunin var semsagt sú að ég fattaði alltíeinu að ég geri það ekki lengur. Því ég er búin að prófa að vera yngri. Og maður hefur bara eitt ár til að vera 25 ára. Allir sem eru yngri eiga eftir (vonandi) að prufa að vera eldri. Það var alveg gaman að vera 20 ára. En það var alveg líka fínt að vera 30 ára og 40 verður ábyggilega líka fínt.

Ég er búin að prufa að búa í útlöndum, fara í framhaldsnám, vera einhleyp og í sambúð, eignast barn, vera stjúpmamma og einstæð móðir. Ég er búin að fljúga flugvél, klifra fjöll og fara á snjóbretti, halda tónleika fyrir fjölda fólks, kenna tónlist og líkamsrækt, ferðast út um allt, stjórna fyrirtæki (ekkert rosalega vel...en samt) og helling fleira og samt er ég bara 32 ára. Mamma mín verður 60 á næsta ári. Hún er í betra formi en nokkrusinni fyrr og miklu sterkari og liðugri en ég. Aldur er bara tala og það er um að gera að nota þessa 365 daga vel sem hver tala fær. Þeir koma aldrei aftur en það er hægt að hugga sig við það að þeir koma aldrei aftur hjá neinum öðrum heldur.

Jæja nú er ekki seinna vænna en að byrja að sparsla meiki í hrukkurnar fyrir þorrablótið. Næsta færsla verður skrifuð árið 2016.

2008-10-19T23:22:00.002Z

Doppa Mist er búin að vera týnd síðan 11. okt, hefur einhver séð hana?

2008-09-04T22:24:00.004Z

Ég átti afmæli í gær. Ég er orðin 29. Tuttuguogníu! TUTTUGUOGNÍU. Hvað gerðist eiginlega? Ég var 25, svo alltíeinu er ég 29. Næst verð ég 30 og ég er ekkert tilbúin, vill einhver kenna mér á bremsuna takk. Ég var samt spurð um skilríki á Hressó í gær og hresstist aðeins við það.

Við Dæja héldum sameiginlega sushi afmælisveislu á laugardaginn var (afsakið ef ég gleymdi að bjóða einhverjum, pottþétt aldurinn sko, og athyglisbresturinn). Hér er mynd af okkur með grímurnar frá Árnýju, single & sexy. Stuttu seinna var ég svo komin með báðar grímurnar, svona eins og segir í orðatiltækinu: það runnu á mig 2 grímur en svo þegar rann af mér fann ég hvoruga. Dæja eru þær hjá þér?

Ég slasaði mig um daginn, sneri á mér ökklann og get varla gengið. Viðbrögð fólks finnast mér mjög athyglisverð. Flestir spurja: jæja vinan, varst þú kannski að skemmta þér um helgina? Afhverju spyr mig enginn hvort þetta séu íþróttameiðsl, meina, ég er nú einusinni leikfimikennari!

To do á þessu aldursári:

koma orðsporinu mínu í lag

Svo gerði Maja afmælisblogg um mig, tékkit.

2008-07-30T20:49:00.004Z

Búin að vera að skoða gamlar myndir, einusinni var Kisamín svona:

mesta krútt í heiminum! Hún var bara 300 grömm og passaði í lófann á mér.

2005

Hér er svo nýleg mynd af okkur Kisumín, N.B. hún breytti um lit fyrir mig til að vera meira í stíl.

2008

Ég kem svo heim eftir viku veiveivei , hér eru myndir af okkur systkinum teknar í dinner áðan á ströndinni í Juan les Pins:

2008-07-22T07:30:00.004Z

Útbjó í gær þetta gordjös morgunverðaherbergi: Ég vildi að ég hefði tekið mynd af því eins og það var áður þannig að sæist betur hverslags afrek þetta er. Herbergið var ruslahaugur og er núna svona:

Mun líklega kaupa svo minni borð til að geta komið fleirum fyrir. Svo er hér ein mynd af Kára frá í gær, ég sendi hann út að ryksuga bílinn. Honum finnst betra að vera á nærbuxunum...alltaf.

2008-07-16T17:25:00.023Z

OK smá myndalengja hér, segið mér svo hverjar ykkur líst best á! Fyrir heimasíðuna sko, http://www.kimihotel.com/

Var svo heppin að fá Barbí og Ken sem módel og þau stóðu sig með prýði

N.B Kári að sulla

2008-07-14T21:41:00.008Z

Nokkrar fleiri random myndir frá Kimi, S'il vous plait

Kastalinn minn

Fór með krakkana mína.. (kára og frú) í rennibrautagarð í dag og sýndi þeim svo Cap d'Antibes, aðsetur Abramovtich ofl. Stálumst í sund og drukkum svo nokkra kokkteila á ströndinni. Fórum síðan í bæinn (Cannes) og horfðum á flugelda í tilefni Bastilludagsins.

Nú eru 2 vikur síðan ég fór frá Íslandi og ég sem pakkaði bara fyrir nokkra daga, veeerð að fara að versla áður en ég gubba á þessa 2 kjóla og eina pils sem ég er í til skiptis utan yfir bikiní. Franskan er farin að meika smá sens núna, skil orð og orð allavega sem er meira en þetta ekkert sem ég kunni fyrir. Hey og við Kári ætlum að taka bátapróf í næstu viku! Ekki á sama tíma samt, einhver þarf að vera hér og vinna að sjálfsögðu. Muna svo, www.kimihotel.com, koma bráðum nýjar myndir.

2008-07-13T17:39:00.015Z

Nú er ég loksis búin að merkja hótelið!

Bjútífúl? 7 Allée de la Forêt

Kári og Helga komu með skiltin frá Íslandi í fyrradag, var smá ves með stærra skiltið því festingarnar pössuðu ekki á hliðið, en Smiðsdóttir fann bara sög og massaði þetta. Kári hjálpaði aðeins til.

Hummmh

Final touchið

Voilá

Karlmenn hvað

Kári hélt á blýantinum

Svo er þjóðhátíðadagur frakka í dag, erum að spá í að halda upp á hann í Aquasplash.

2008-07-11T21:37:00.010Z

Ég vil fara aftur á snjóbretti strax núna!!! Fer ekki að koma snjór?

Davos/Klosters í Sviss janúar 2008:

Óborganleg mynd, við vorum meira og minna á rassinum fyrstu dagana, tek það fram að mér hefndist fyrir að gera grín að hinum og er enn með brákað rófubein...

Ég er þessi sem er að benda

Við að teygja okkur með snjóbrettakennaranum, sumir teygðu sig aðeins meira en aðrir

Fyrir- Við Dæja á leiðinni á flugvöllinn

Eftir-24 hour party girls á leiðinni heim af flugvellinum nokkrum dögum seinna eftir heilan dag í Friedrichshafen þar sem var ekkert hægt að gera annað en að drekka hvítvín.

2008-07-10T14:23:00.003Z

Hótel Kimi í Cannes frh.

Sýnishorn af minnstu herbergjunum, næs að hafa þetta útsýni þegar maður fer á fætur:

Svo eru öll herbergin með eldhúsi og baðherbergi.

www.kimihotel.com

2008-07-10T11:07:00.005Z

Smá sýnishorn af herbergjunum á hótel Kimi í Cannes.

Herbergi 23:

Nýjustu fréttir eru að ég er orðin hótelstjóri í Cannes, sem og eini starfsmaður hótelsins í augnablikinu þar til Kári bróðir kemur að hjálpa mér um helgina. Ég veit ekkert hvenær ég kem heim en þeir sem sakna mín, eeeendilega bókið herbergi á www.kimihotel.com (síðan er í vinnslu) hitastigið er núna um og uppúr 30 og það er bara korterstölt niðrá strönd. Ég kæli bjórinn,

Au revoir

2008-05-28T13:21:00.003Z

Ég gruna pabba um að hafa póstað þessari vísu í kommentakerfið hér að neðan eftir flugferð sem ég bauð honum í um daginn. Landakortið gleymdist heima og honum fannst landafræðikunnáttu minni eitthvað ábótavant þegar ég var búin að finna 4 Apavötn.

Rauða takkann inn og ÚPS
ekki reyndist hann sá rétti.
Toga í stýrið, tek smá loops
treysti á það að enginn frétti.

Kortið gleymdist, hvar er ég?
Er Keilir ekki í Borgarfirði?
Voða get ég verið treg,
var það furða þótt ég spyrði.

Þetta er Esjan, eða hvað?
Ármannsfell? Nei, það er della,
ég veit að þetta er ekki það
því þarna er Borgarnes . . . og Hella

2008-05-23T13:15:00.006Z

EGTF-LMFD-EGTF

Á laugardaginn var leigðum við Hilmar frændi flugvél í London og skruppum til Cannes að kíkja á hótelið okkar og fræga fólkið. Vélin var 6 sæta Piper saratoga, sjá hér:

Flugið til Cannes gekk vel þrátt fyrir frekar lélegt skyggni. Fyndnast var þegar við vorum rétt hjá París og flugumferðastjórinn spurði Hilmar hvort það væri einhver moviestar um borð. Hilmar svaraði um hæl að það væri bara ein pornomoviestar. Flugumverðastjórinn hefur áttað sig á hvað þetta var asnaleg spurning og talaði ekki meira við okkur. Við komum til Cannes á síðustu bensíndropunum því við gátum ekki flogið yfir fjöllin vegna skýja og þurftum að fljúga meðfram ströndinni. Cannes flugvöllur var pakkaður eins og von var á:

Á laugardagskvöldinu fórum við að hitta Frank og Casper, mjög skemmtilegt kvöld verst hvað ég nennti ekki að taka myndir.

Á mánudeginum gerðum við tilraun til að fljúga til Genfar á flugsýningu. Eitthvað höfum við ekki skoðað veðrið nógu vel því á vegi okkar varð risa þrumuský. Hilmar var bjartsýnn og sagði mér að klifra bara yfir það, og ég klifraði og klifraði og klifraði þar til vélin vildi ekki klifra meir og ég bað Hilmar að taka við. Í 16500 fetum voru neglurnar orðnar bláar og mig farið að svima og við komin beint inn í þrumuskýið. Við fengum ís á vængina og eina í stöðunni var að snúa við. Svona leit þrumuskýið út þegar við vorum að fljúga inn í það, mæli með að forðast þau eins og fjöll.
Við þurftum að snúa við til Cannes, hér er ég að fljúga yfir Saint-Tropez á leiðinni til baka:

Daginn eftir gerði Hilmar aðra tilraun til að fara til Genfar en veiktist þannig að við vorum annan aukadag í Cannes, slepptum alveg Genf og flugum til baka til London á miðvikudeginum.

Það flug gekk eins og í sögu fyrir utan smá vesen yfir París þegar headsettið hans Hilmars bilaði og ég þurfti að taka alveg yfir radioinu og hann heyrði ekki neitt og það var brjálað að gera. Þetta reddaðist að sjálfsögðu eins og allt og við komumst heil til London, mögulega aðeins óvinsæl hjá flugumferðastjórum Evrópu.

Nú er ég í London á leiðinni heim í kvöld. Það er pottþétt mér að þakka að Ísland komst áfram í Júróvision í gær því ég kaus nokkrum sinnum, þó mér finnist þetta ferlega leiðinlegt lag, bara til þess að það verði meira stuð í júrópartýi á morgun.

2008-05-09T13:08:00.002Z

Úff ég er svo ótrúlega mikið að deyja úr leiðindum við að klára (og í leiðinni reyna að byrja á) síðasta verkefnið í Listaháskólanum að ég held það sé kominn tími á að uppfæra aplapnisressuna.

Það er ýmislegt búið að gerast í heiminum síðan síðast, þó hefur flest farið framhjá mér. Ég tók í próflestrinum um daginn hávísindalegt próf á internetinu sem greindi mig með ADHD. Greininguna nota ég óspart sem afökun þessa dagana, treð mér fram fyrir í röðum og æpi: "farið frá farið frá, ég er með athyglisbrest" svo legg ég í stæði fyrir fatlaða líka.

Stiklað á stóru yfir helstu atburði vorsins: Kisa kom inn með mús um daginn sem dó undir sófa hjá mér, Eva og Mikki eignuðust strák í morgun, til hamingju, ég útskrifast 31. maí úr LHÍ, ég tók sóló-flugprófið um daginn, www.kimihotel.com er komið í gagnið, heimasíðan þarfnast enn smá lagfæringa.

2008-03-09T20:09:00.009Z

Þróun typpisins

Stórkostlegt alveg:
...hver kannast ekki við lítil tippi? Nú er það vandamál úr sögunni, kynnið ykkur http://www.bathmate.is/

Svo ég steli hugmynd frá ónefndri vinkonu minni sem er á lausu og ekki með blogg, en þá væri ekki vitlaust að eiga einn svona á lager, svona in case. Æjæj, leiðinlegt fyrir þig að vera með svona lítið tippi, á ég að láta renna í bað fyrir þig?

Bathmate er fyrir alla, líka lesblinda:
Bathmate nýtist jafnvel í sturtunni og í baðinu, þannig að þú getur þróað typpið þitt á þann hátt sem hentar þér best.

Hvernig virkar þetta?
Bolur typpisins skiptist í þrennt. Tveir frauðvefir eru ofan á typpinu (Corpora Cavernosa), og smærri vefur, svampvefur neðan á sem umlykur þvag/sáðrásina (Corpus Spongiosum). Þegar þér rís hold þá losar heilinn hormón sem sendir blóð til typpisins og fyllir risvefina. Í frauðvefjunum eru holrúm sem fyllast og valda þannig stinningu. Hámark þess sem frauðvefurinn (Corpora Cavernosa) getur fyllst er núverandi stærð typpisins þegar það er í reisn. Góðu fréttirnar eru að....
Hægt er að stækka og styrkja frauðvefina (Corpora Cavernosa) með Bathmate.

Jáhá þar hafiði það. Hér er tippið um tippið frá tippinu til tippisins. Svo hvet ég ykkur eindregið til að horfa á kynningarmyndbandið á síðunni (neðarlega til vinstri) svona ef þið eruð enn að efast um ágæti bathmate.

2008-02-28T22:32:00.008Z

Highlights 2008:

Snjóbrettaferð í Davos í janúar, meðal ferðafélaga voru Dæja, Hulda og Huldi, Hilmar og Finna og fleira gott fólk. Ég gæti skrifað langa færslu um ferðina en ég nenni því ekki. Við Dæja héldum uppi aðalstuðinu, hinum pörunum til mikillar ánægju. Dæja, ég skora á þig til að skrifa eitthvað, annaðhvort í kommentakerfið eða senda mér og ég birti það hér. Ok?

Klovn í heimsókn. (Þeir sem horfa ekki á Klovn mega hætta að lesa núna og fara beinustu leið í skammarkrókinn.) Frank og Casper, fyndnustu menn í heimi voru á Íslandi í síðustu viku. Þeir komu heim til Maju síðasta fimmtudag og horfðu á þáttinn með okkur, með skemmtilegri kvöldum ársins og bara aldarinnar örugglega.

Hótelkaup BirkInvest í Cannes. Hér er Villa Lisa (Kimi Hotel) í allri sinni dýrð:

Þursaflokkurinn. Fór líka að sjá og heyra pabba rokkstjörnu og Þursaflokkinn á laugardaginn var, mjögmjög skemmtilegt og fær að vera hér með í highlights.

2008-02-07T12:56:00.000Z

Topp 10 Ljóskumóment Lísu no. 9

Jájá, þetta á tvímælalaust heima hér. Dagurinn í dag byrjaði á að ég ætlaði að fá mér kaffi en það var ekki til mjólk. Ég fór í úlpu yfir náttfötin og út í bíl nema ég sá ekki bílinn fyrir snjó þannig að ég byrjaði að grafa og skafa og var alveg komin með snjó uppfyrir haus. EN þá kom í ljós að þetta VAR EKKI BÍLLINN MINN!! Mér var skapi næst að moka aftur yfir hann en ég nennti því ekki og fann heldur enga skóflu þannig að ég skóf minn bíl og keyrði af stað en komst bara svona hálfan metra og festist. Ekki í besta skapinu og ekki búin að fá neitt kaffi ákvað ég að vaða snjóinn út í búð. Svo núna áðan kom pabbi til að hjálpa mér að losa bílinn sem er búinn að vera hálfur úti á götu í allan morgunn, setti hann í gang og keyrði út úr stæðinu. Þá var hann ekkert fastur lengur, stórundarlegt. En þegar pabbi var farinn lagði ég aftur í sama stæðið og nú á eftir að koma í ljós hvort ég komist út upp á eigin spýtur.

2008-01-15T23:13:00.000Z

Svona lögðum við af stað í partý á gamlárskvöld rétt eftir miðnætti . Einhver fékk þá snilldarhugmynd að rölta bara yfir í Kópavog og ég viiiiildi að ég ætti mynd af okkur þegar við komum inn um dyrnar í partýinu. Sumir grenjuðu alla leiðina, aðrir hlupu, aðrir stoppuðu nokkrum sinnum til að ylja sér með kampavíni, við vorum allavega ekki eins kát og þurr 15-20 mínútum eftir að þessi mynd var tekin. Það besta var samt að þegar við fukum inn um dyrnar stóð Inga vinkona í stiganum, nýkomin, og sagði: Komuð þið labbandi, ég hefði getað sótt ykkur!:) Sá sem átti hugmyndina að því að labba fékk skammir fyrir....sorrýýý krakkar, það var samt mjög gaman, enginn er verri þótt hann vökni og allt það.

2008-01-07T22:45:00.000Z

Já, eins gott að hafa húmor fyrir sjálfum sér. Peter Griffin, Bevis og Butthead hlátri slegið saman í eitt.

2007-12-31T13:36:00.001Z

Jólin.

Ákváðum að breyta til á árlegu jólatrésmyndunum.

Það er ekki svo langt síðan að ég var hæst af okkur systkinunum, nú er ég eins og dvergur.

Þarna var ég nýbúin að segja ótrúlega fyndinn og óviðeigandi brandara.

Talandi um brandara þá er ég búin að vera að pissa í mig úr hlátri yfir Hugleik öll jólin, set hérna þann saklausasta sem ég fann.

2007-12-21T18:40:00.000Z

Já og í tilefni jólafrísins í gær fór ég í bæinn með Dæju og þegar búðirnar lokuðu settumst við aðeins inn á oliver í bjór/kaffi. Við vissum reyndar ekki að það væri jólapoppquiz í gangi með Páli Óskari og Bigga Maus en tókum þátt, svona í gríni og viti menn, við erum svo ótrúlega miklir snillingar að við lentum í 2. sæti. Fengum meiraðsegja verðlaun, gjafabréf á Oliver. Við hefðum að sjálfsögðu unnið ef við hefðum tekið þetta meira alvarlega, sko fólk var að koma þarna sérstaklega fyrir poppquizið, læra heima og svona. Svo treysti Dæja mér ekki til að geyma gjafabréfið þannig að hún tók það...hnuss.

Annars er ég búin að vera að gera tilraunir með jólamatinn og það gengur bara svona ljómandi vel.

2007-12-20T18:16:00.000Z

Jólafrí jólafrííí ég er komin í jólafrí!!

Ég sendi engin jólakort frekar en fyrri jól, en kærar þakkir og jólakveðjur til allra sem eru búnir að senda mér. (...já ég opna þau alltaf strax) Ég er ekki ennþá búin að fá jólakort frá forsetahjónunum en ég er alveg viss um að þau eru á leiðinni. Í fyrra fékk ég tvö og í hittífyrra eitt. Þannig að samkvæmt öllu ætti ég að fá þrjú núna, það eru ennþá nokkrir dagar til jóla, ég er alveg róleg.

Ef ég byrja einhverntímann að senda jólakort þá verða þau í þessum stíl:

Nú eða þessum:

Úff, ég bara get ekki ákveðið mig.

Af Kisumín er það að frétta að hún kom inn með 2 orma í nótt, í desember, þúveist, eiga ormar ekki að vera frosnir í desember??

2007-12-05T09:02:00.000Z

Hérna er rewievið mitt á hótelinu sem ég var á í Bournemoth ojj hvað ég er leiðinleg, gef hótelinu bara 4. Þeir áttu það nú eiginlega skilið samt, rúmfötin voru þannig að það var lak neðst, síðan svona prjónateppi, og efst var ábreiða sem mig langaði helst ekki að vita hver var með síðast og það var hvítur blettur í henni. Örugglega tannkrem eða eitthvað... Svo var mygla í sturtunni og fjarstýringin, ég fór sko í hanska áður en ég snerti hana. Pælið í því næst þegar þið eruð á hóteli, nú eða bara í heimsókn hjá vini ykkar, og haldið á fjarstýringunni, að hún hefur mjöög líklega aldrei verið þrifin. Namminamm.

2007-11-30T10:25:00.000Z

Ferðasaga.

Á sunnudaginn var flaug ég með icelandexpress til London Stansted vegna þess að ég var á leiðinni til Bournemouth að taka bóklegu einkaflugmannsprófin. Ég var aðeins þreytt eftir laugardagsdjammið en svaf í flugvélinni svo ég var alveg sæmilega hress þegar við lentum klukkan 7. Planið var að hitta Hilmar á Stansted því hann var að fljúga til Íslands sama kvöld, fá BMWinn (því hann er með stýrið vinstra megin)og GPS tækið og keyra bara til Bournemouth, en tölvan mín reiknaði að það væru tæpir 3 tímar. Mér fannst nógu slæmt að þurfa að keyra ein í 3 tíma um kvöld dauðþreytt og í vinstriumferð, en þegar ég hitti Hilmar og co. þá kom í ljós að GPS tækið hafði gleymst í öllum látunum og í staðinn fyrir BMWinn beið mín avijet minivaninn sem er með stýrinu hægra megin!!! Svo þurftu allir að drífa sig í flug og ég stóð ein eftir, alveg bit, með öfugan minivan og kort af London. Þá var lítið annað að gera en að leggja í hann en þegar ég var búin að keyra í svona 20 mínútur fékk ég símtal um að taskan mín hefði orðið eftir í hinum bílnum þannig að ég þurfti að snúa við. Ég huggaði mig við að þetta gæti nú ekki orðið mikið verra, sótti töskuna og hélt af stað í annað sinn, klukkan orðin 10. Ég var hálfpartinn að spá í að stoppa bara í Woking og gista þar en svo var ég orðin svo flink að keyra að ég ákvað að fara bara alla leið. Klukkan hálf12 var ég komin, að ég hélt, til Bournemouth, hringdi í hótelið og bað gaurinn að vísa mér veginn. Hann alveg já ertu þarna hjá Tesco? Þá ertu bara rétt hjá það er bara eitt tesco hér ef það er á vinstri hönd. Ég alveg já svo er hérna Pizza hut og bílasala. Hann: Ertu viss um að þú sért í Bournemouth? Þá semsagt var ég í Cristchurch sem er kannski korter frá, svona kópavogur bara. Ég fór inn í bensínstöðina og ætlaði að spyrja til vegar. Þá kom í ljós að þetta var verndaður vinnustaður eða eitthvað, amma á kassanum og hálfviti að raða í hillurnar og enga hjálp frá þeim að fá. Fékk loksins 2 kúnna til að teikna kort fyrir mig og ætlaði að halda áfram, klukkan orðin miðnætti, en. Bíllinn fór ekki í gang. Enginn vissi hvað startkaplar voru og ég var orðin veeel pirruð. Hringdi í vin minn á hótelinu og lét hann senda leigubíl til mín því bensínstöðvaidjótarnir kunnu ekki taxanúmer. Leigubíllinn var ekki með startkapla og keyrði mig bara á hótelið og þá fannst mér þetta orðið bara svoldið fyndið. Sérstaklega að hitta næturvörðinn á hótelinu sem ég var búin að tala við svo lengi, og var búin að ímynda mér að væri svaka hot. Neinei, hann var við dvergamörk, með einn eyrnalokk og sköllóttur. Hótelið var svona ekta brekst með illa lyktandi teppum, eina ástæðan fyrir að ég valdi það var verðið og ókeypis internet. Svo kom í ljós daginn eftir að þetta var ekki hótel heldur elliheimili. Morgunmaturinn var hafragrautur og pulsur og kaffi sem bragðaðist eins og skolpvatn.

Allavega, fór svo á námskeiðið daginn eftir, einn maðurinn sem var með mér skutlaði mér í bílinn, hann fór í gang og ég fékk líka hæstu einkunnina á öllum prófunum. Hefði ekki vilja breyta neinu. Nema kannski útlitinu á næturverðinum og hótellherberginu.

2007-11-14T21:33:00.000Z

Ég held að það sé fluttur flóðhestur á hæðina fyrir ofan mig og hann hefur étið alla sem bjuggu þar. Ástæðan er að núna 2 nætur í röð er ég búin að vakna um miðja nótt við hrotur, og þvílíkar hrotur að húsið nötrar allt. Og það eru ekki mínar eigin hrotur og ég var alein í rúminu. Ég bara trúi ekki að a) svona háar hrotur geti komið úr manneskju og b) hvernig það getur búið lifandi fólk í sömu íbúð og látið þetta viðgangast. Pottþétt mannætuflóðhestur. Við erum að tala um sko að það var enginn staður í íbúðinni minni sem ekki heyrðust hrotur.

Ég er að hugsa upp plan skyldi þetta gerast aftur.
1. Hringja *31*númerhjánágranna og skella svo á, flóðhesturinn vaknar og hættir að hrjóta og ég sofna vonandi áður en hann byrjar aftur.
2. Taka svefnlyf.
3. Selja íbúðina, var alvarlega að íhuga það í nótt.

Öll ráð vel þegin.

2007-11-08T12:17:00.000Z

2007-10-29T09:47:00.000Z

Allir að horfa á Rúv á fimmtudaginn klukkan 21.25, þá verður fyrsti þáttur af Klovn sýndur á Íslandi, ég er búin að sjá nokkra þætti og þeir eru ótrúlega fyndnir. Þið gætuð þurft að horfa á 2-3 þætti til að komast inn í þá, þið sem eruð ekki eins fyndin og ég en gefið þeim séns:) Hér er Maja í fréttablaðinu að láta ljós sitt skína. Og takið eftir brjóstinu á vinkonu hennar sem var klippt út af myndinni:

http://visir.is/article/20071029/LIFID01/110290078

2007-10-02T16:51:00.000Z

Ég spriiiiiiing úr reiði!!!

Ég óska þess að mongólítinn sem keyrði á bílinn minn fyrir utan hjá mér og var svo mikill aumingi að hann/hún keyrði í burtu, hafi skemmt sinn bíl mikið, meitt sig í leiðinni, fái niðurgang og gyllinæð, missi vinnuna og fari í fangelsi. Anda úúút.

2007-09-14T12:53:00.000Z

Kisamín er með doktorsgráðu í að láta sér líða vel. Hér er myndasyrpa frá því í gærkvöldi, reynið nú að læra eitthvað af þessu.

Þetta er vinsæl stelling,

Hummh hvernig ætli ég geti látið mér líða aðeins betur með sem minnstri fyrirhöfn.

Hugsihugsihugs....Merkilegt hvað það getur verið þreytandi að sofa allan daginn

Gvuð minnið mig á að henda þessum náttbuxum, þetta er óafsakanlegt, pælið ef það myndi kvikna í og ég þyrfti að fara út í þeim. Þetta eru bara vöðvar og smá auka feldur, ég SVER þaðJá klóra, aðeins til vinstri, purrrrrrrrrr

2007-09-11T23:04:00.000Z

Topp 10 ljóskumóment Lísu 7-8

7. Þegar pabbi var að bora í vegg fyrir mig og ég átti að vera tilbúin með ryksuguna til að rygsuga draslið sem boraðist úr jafnóðum. Ég tók ryksuguna, stillti henni upp og beið eftir að pabbi myndi byrja að bora. En hann byrjaði ekkert og ég alveg, pabbi eftir hverju ertu að bíða? Hann horfði á mig með ohh þú ert svo mikil ljóska svipnum og sagði "eftir að þú KVEKIR Á RYKSUGUNNI"... og N.B þetta gerðist tvisvar, nema í seinna skiptið sagði hann ekki neitt heldur sprakk bara úr hlátri.

8. Þegar ég vann á Argentínu.

2007-09-11T14:33:00.000Z

Top 10 ljóskumóment Lísu nr. 6

6. Þetta gerðist nú bara síðasta laugardag. Ég var eitthvað að leita að veitingastað fyrir okkur Ernu og prufaði að gúggla sushi. Það er náttúrulega mikið búið að gera grín að mér fyrir að geta ekki sagt orðið rétt en ég virðist líka eiga í einhverjum erfiðleikum með að skrifa það rétt. Allavega, ég gúgglaði Suhsi og fyrsta leitarniðurstaðan var bloggið mitt sjá hér. ég alveg "Guuuuuð Erna eeen sniiðugt!! Sjáðu hvað kemur ef maður gúgglar sushi, bara bloggið mitt ahahaa." Svo snarþagnaði ég þegar ég sá afhverju og mundi hvað mér var strítt í kommentunum þegar ég gerði þessa færslu forðum, kíkiði bara:)

Annars komst ég næst því að bera orðið rétt fram þegar Michael sagði: sko þetta er ekkert mál, þú segir bara sú, svo shit, sleppir svo t-inu og segir í í staðinn.

2007-09-10T23:13:00.000Z

Sveitaferð Lísu og Dæju

Við Dæja skruppum í sveitaferð upp í bústað til Evu og Mikka í gær.

Ég heimtaði að fara á hestbak, sagðist vera ótrúlega vön hestum þannig að Mikki leyfði mér að prufa hestinn sinn, mig minnir að hún heiti Klukka. Eins og þið sjáið lítur hún út eins og ljúfasti barnahestur, Hér er Máni (bráðum 4 ára) á baki:

Meira að segja Dæja þorði að koma nálægt henni En samt tókst henni að henda mér tvisvar af baki, hér eru Máni og Mikki að tala við hana og biðja hana að gera þetta ekki aftur.

Aþena passaði Sögu
Sem er alltaf kát
Meðan Emma gæddi sér á krækiberjum
Svo var grillað og "krakkarnir" fengu að borða í stofunni

Einhvernveginn tókst okkur Evu að forðast myndavélarnar allan tímann, verðum að bæta úr því við tækifæri.

Framhaldið af Topp 10 ljóskumómentum Lísu kemur bráðum, ég er búin að vera iðin að bæta í safnið upp á síðkastið.

2007-09-09T21:57:00.001Z

Topp 10 ljóskumóment Lísu 1-5

Ekki endilega í neinni sérstakri röð, það er af mörgu að taka.

1. Þegar ég reyndi að bora upp 1 auman klósettrúlluhaldara á Njálsgötu, ákvað að vera ekkert að fá smiðina í það, þeir voru uppteknir við að smíða íbúð í risinu svo ég setti borinn í samband og boraði og boraði og boraði, og holan varð aldrei dýpri en nokkrir mm og ég var að fara að gefast upp og ná í demantabor eða eitthvað þegar smiðirnir litu við til að sjá hvað ég væri að vesenast og bentu mér pent á að borvélin væri í bakkgír!!

2. Þegar ég bað pabba að laga ljósið á ganginum sem var búið að vera bilað í mánuð og ég var farin að sætta mig við það bara, kveikja á kertum á ganginum og svona, mála mig í myrkri og telja skrefin frá svefnherbergi fram á klósett og hann skrúfaði peruna aðeins fastar og viti menn, það kom ljós. (þetta var í gær)

3. Pabbi kemur mikið við sögu í ljóskusögunum mínum og þarf iðulega að laga eitthvað þegar hann kemur í heimsókn. Einusinni þegar ég bjó í Eskihlíð kom hann til að "laga" ískápsskúffuna mína, ég hafði verið að þrífa hana og mér tókst ómögulega að koma henni aftur inn í ískápinn, og gafst upp. Pabbi tókst svo að smella henni inn á nótæm, þá náttúrulega hafði ég snúið henni öfugt. Hehemm.

4. Einusinni bauð ég Huldu og Helgu í kjúkling í Eskihlíð. Ég var nýbúin að þrífa eldavélina geðveikt vel, þá meina ég taka takkana af og vaska þá upp og skrúbba ótrúlega vel. Ég setti kjúklinginn í ofninn eins og alltaf, á blástur og 200 gráður en eftir klukkutíma var hann ennþá hrár. Eftir 1 og hálfan leist okkur ekki á blikuna og mig minnir að hann hafi verið orðinn ætur eftir 2 tíma. Gott ef það var ekki pabbi sem tók eftir því seinna að ég hafði sett takkana vitlaust á ofninn eftir að ég þreif þá þannig að í staðinn fyrir að hafa eldað kjúklinginn á 200 gráðum og blæstri var hann að malla á 30 gráðum og þegar ég hélt ég væri að hækka og lækka hitann var ég bara að skipta á milli grill/blástur/bla. Töff með eindæmum.

5. Helga kemur hér við sögu, en einhverntímann í Sviss var ég að reyna að rifja upp hvar Ísrael væri. Eva vinkona var þar og ég fekk skyndilega landfræðilegan áhuga á Ísrael. Ég dró upp Evrópukortið mitt og leitaði og leitaði en fann hvergi Ísrael. Ég var með Helgu á línunni og spurðu hvort hún hefði vitað að Ísrael væri ekki í Evrópu (kommon, eðlilegur ruglingur, Eurovision og það) og hún alveg: Nú hvar í fjandanum er það þá??! :)

Þetta er komið nóg í bili, læt afganginn bíða betri tíma.

Kv. Lísa sem datt 2svar af hestbaki í dag.

2007-09-04T10:45:00.000Z

Þá er afmælisdagur númer 28 búinn. 2 ár eftir af "ekki þrítug" tímanum, sjitttt hvað tíminn líður hratt.

Afmælisdagurinn: Vaknaði ennþá hálf eftir mig eftir afmælispartýið á laugardaginn sem var ótrúlega skemmtilegt og vel heppnað. Fór öfugu megin framúr, veðrið var viiðbjóðslegt og það var mánudagur og ekki búið að takast til að sjálfu sér eins og ég hafði vonað. Dagurinn batnaði til muna þegar mamma kíkti við með pakka:) En versnaði svo aftur þegar ég fór í vinnuna og enginn gaf mér köku. Batnaði aftur þegar pabbi gaf mér pakka í vinnunni og eg hitti Helgu í köku í Smáralind og fór batnandi eftir það.

Ég er með eina gátu fyrir ykkur, hvaða 3 starfstéttir teljið þið að haldi mest framhjá?

Svo er hérna einn gamall og góður:

Why is six afraid of seven?
Because seven ate nine!, ahahaaaa

Kveðja, Lísa. 28 ára

2007-08-29T09:54:00.000Z

Eitthvað eru nýju Baðhúsauglýsingarnar ekki að hitta í mark hjá mér. Fallegar konur og allt það, en í fljótu bragði finnst mér alltaf eins og einhver aumingjans kona hafi verið skilin eftir allsber í einhverjum ógeðslegum gömlum köldum kofa (ætli þetta eigi ekki að minna á gamalt baðhús) ég myndi vera hrædd um að fá flís í rassinn ef ég þyrfti að sitja berrössuð á gólfinu þarna. Svo er það textinn:

ég er umkomulaus og náttúruleg kona
ég á engin föt
ég elska líkama minn
ég er sérstök kona

2007-08-27T20:46:00.000Z

Þegar ég kom heim í gær var tvennt í boði í sjónvarpinu. Að detta inn í miðjan þátt á skjá einum sem ég man ekki hvað heitir, nú eða að horfa á þýska heimildamynd um túnfisk!

Mögulega það mest óspennandi sjónvarpsefni sem ég get ímyndað mér, nema til að gera grín að kannski. Sem ég gerði þegar vinkona mín kom í heimsókn og ég fór að lesa fyrir hana með svona hneykslgríntón:

Þýsk heimildamynd um túnfisk. Sjávarlíffræðingurinn Boris Frentzel-Beyme fylgir túnfiski eftir á ferðum hans frá Atlantshafsströnd Marokkó til Tyrklands og skoðar lífríkið á hrygningarslóðum hans. Flestar tegundir túnfisks eru ofveiddar og sumar í útrýmingarhættu.

Áður en ég gat klárað heyrist í henni: oooo geðveikt, ég trúi ekki að ég hafi misst af þessu en ótrúlega spennandi. ?? Þess má geta að þessi sama manneskja vildi ekki koma með í sund um helgina því það var opinn dagur hjá Nesjavallavirkjun og á frídögum sínum les hún Njálu. En það er nú gott að það eru ekki allir eins.

2007-08-11T09:34:00.000Z

http://mbl.is/mm/frettir/innlent/frett.html?nid=1284865
Jeminn! Flugvélin sem ég var að læra á bara ónýt. Eins gott að þetta var ekki ég. Nú ætla ég að passa mig, þetta er nefnilega ekta eitthvað sem myndi koma fyrir með mig innanborðs. Eins og pabbi segir að ég sé: úpps, var þessi takki ekki til að hengja veskið á??

Allavega, ég er farin að pakka því ég er að fara til Krítar. Geir bróðir passar kisu í þetta sinn og skúrar og þurrkar af og svona. Geir ertu til í að fægja silfrið extra vel?

2007-08-10T10:15:00.000Z

Ég er miklu uppnámi núna eftir að hafa séð ÞESSA MYND á netinu af honum Harry mínum (bara fyrir 18+ sorrý Geir) ætli Ginny viti af þessu? Eða hætta þau kannski saman í síðustu bókinni... nei ekki segja mér, ég ætla að lesa hana á Krít. Verð að halda í vonina, ætla að heimsækja hann næst þegar ég er í London. Þá verður hann örugglega orðinn sjálfráða. Þetta passar svo ljómandi vel inní framtíðarsýnina mína þegar ég hugsa um það, ég og ungi töframaðurinn MINN í kastalanum OKKAR á eyjunni OKKAR (ég a meirihlutann samt því þetta var mín hugmynd)

2007-07-28T12:24:00.000Z

Er stödd í London hjá Helgu og Ævari. Þau fóru á veðreiðar og skildu mig eftir eina heima hjá sér, nú er ég náttúrulega búin að róta í öllum skúffum og skápum, prufa tannburstana þeirra, setja salt í sykurkarið og vodka í vatnsflöskurnar, plasta klósettsetuna og fleira sniðugt. Hlakka til að þau komi heim. Ég ætla svo að koma mér í íþróttagallann og fara út að skokka í mini central park hérna fyrir utan. Er búin að vera á leiðinni í allan morgun en er of niðursokkin í Harry Potter, næstsíðustu bókina. (las samt ekki hinar, sá bara myndirnar)

Hér er ég svo ásamt Helgu gestgjafa:

og hér er ég með hinn gestgjafann á herðunum:

Á föstudaginn er ég svo að fara í 1 bóklegt flugpróf í Bournmouth þannig að ég kem ekkert heim fyrr en um eða eftir versló, Kári bróðir ætlar að passa kisu og nýja gæludýrið okkar, hana Rúnu rottu sem býr undir pallinum í garðinum.

Nú er farið að glitta í smá sól, ég er farin út.

2007-07-23T10:52:00.000Z

Allir dökkhærðir segja Lííísaaa, allir ljóshærðir kyssa. Stelpurnar komu til mín á laugardaginn og við tókum svona umþaðbil 50 svona myndir. Myndavélin mín er líka að brenna yfir held ég.

Fallegasti kötturinn í bænum að hafa það náðugt, ætla að kalla þessa: Stund milli stríða.

Svo með þetta klukk. Ef það er eitthvað sem fólk veit ekki um mig þá er ástæða fyrir því. Reyni samt kannski að finna eitthvað soon.

2007-07-17T20:16:00.000Z

Mig langar svo í mína eigin eyju með kastala. Vissuð þið að það er hægt að fá kastala í Frakklandi á svona svipuðu verði og einbýlishús á Íslandi. Verst að þessir ódýrustu eru ekkert rosalega flottir, þessi er td á ca. milljón evrur.

Ég er svoldið skotin í þessum en hann kostar svona 4 sinnum meira. Læt þetta bíða í nokkur ár en þá, börnin góð, þegar allir sem ég þekki verða búnir að fá sér hús í Norðlingaholti eða Grafarholti, verð ég að tjilla í kastalanum mínum í Frakklandi. Það er svona álíka langt í burtu. Allir eru velkomnir í heimsókn alltaf. Tala nú ekki um ef ég hef hann á sér eyju, ohh get ekki beðið, þá geta gestirnir skroppið með á rúntinn á snekkjunni minni og stripplast á ströndinni og svona.

Maja og Birta systir hennar komu og gistu hjá mér um helgina. Við Maja fengum okkur bjór og Maja lenti á spítala daginn eftir, alveg svakalegt hún þurfti að vera þar ALLAN daginn greyið. Það var allt rannsakað, teknar þvagprufur og dna og svona. Svo var hún send heim með nokkra stíla og hún er enn rúmliggjandi.

Svo dró ég Geir bróður upp á Esju í gær, merkilegt hvað maður getur verið mikil hetja við það eitt að hafa einhvern með sér sem er örlítið smeykari (í þessu tilfelli lofthræddari) Ég, sem venjulega renni mér á rassinum í brattasta hlutanum alveg steig línudans í klettunum, stóð á einum fæti og tók heljarstökk og togaði Geir upp. Læt fylgja eina Powerade auglýsingu starring Geir Finnson.

2007-07-13T13:20:00.000Z

Mér finnst svo brjálæðislega hallærislegt og yesterday að karlmenn megi ekki gefa blóð ef þeir hafi haft mök við einstakling af sama kyni. Þúveist, ef ég væri hommi myndi ég fara og gefa blóð á fuuullu og bara ljúga að ég væri straight. Svo þegar væri búið að nota blóðið mitt myndi ég senda blóðbankanum mynd af mér í aksjón að hafa mök og hlæja svona geðveikishefndarhlátri.

Talandi um mök, þá var hún Unnur að gifta sig síðustu helgi, til hamingju með það. Hér er mynd af saumaklúbbnum, talið frá vinstri: Ólöf, Hulda, Unnur, Eva, Elísabet, Dæja.

Á myndina vantar Helgu, hún var í brúðkaupi hjá systur sinni fyrir vestan. Hún lítur svona út:

Svo er ég byrjuð að læra að fljúga (aftur) byrjaði árið '97, flaug svo aðeins '98 og '99 og fór í 6. flugtímann í gær '07. Nú klára ég þetta! Sumir safna frímerkjum, sumir safna skeggi, ég er að hugsa um að safna starfstitlum.

2007-06-26T23:56:00.000Z

Við Dæja erum náttúrulega bara að springa við erum svo töff með sólgleraugun á klóstinu. Þetta er ein af fáum myndum sem eru pósthæfar úr afmælinu hans Hilmars síðasta lau. En Dæja kom í heimsókn áðan með Mána rassálf

og Sögu bollu

á nýja græna bílnum sem ég gleymdi að taka mynd af.

Eva þú verður að koma í heimsókn svo ég geti tekið mynd af þér líka.

2007-06-21T23:39:00.000Z

Myndavélin mín er svo sniðug. Hún er 7.2 megapixla (til samanburðar er pabba vél bara 3 eða eitthvað og Huldu 6) og ég get geymt alveg 800 myndir amk. Allavega hér er mynd af Kisumín á meðan ég var að reyna að hlaða myndunum inn í tölvuna. Henni finnst betra að vera ofaná lyklaborðinu, enda er það allt út í hárum. Það er af sem áður var þegar hún var svo lítil að hún passaði í lófann og týndist í sófanum.

Nú myndavélina er líka hægt að nota til að mynda fallegar frænkur með lungnabólgu:
matvæli

hey sjáiði mig ég er að lesa ég er svo gáfuð

2007-06-18T18:15:00.001Z

Muniði eftir henni

eða henni?

Svona er ég núna, hausinn á mér er búinn að stækka og breyta um lögun frá því á miðvikudaginn. Læknirinn á læknavakinni í gær sagði að þetta væri alveg eins og hettusótt en ég er búin að fá hana, heimilislækninum mínum bara gæti ekki verið meira sama þó ég líti út eins og loftbelgur, honum finnst það "skondið" og segir að þetta hljóti að lagast. Guði sé lof fyrir hettupeysur segi ég nú bara og læt þetta ekki stoppa mig í taninu.

2007-06-15T23:07:00.000Z

Ferðasaga í máli og MYNDUM því ég keypti myndvél í Florida.

Hér höfum við baksvipinn á mér að ganga um götur New York.

Svo fór ég í hestakerru í Central Park

og svo var betra að taka limmó á flugvöllinn, þeir eru svo miklu þægilegri en venjulegir bílar. Égveit égveit, bláu skórnir eru smá stílbrot, mér var bara svo illt í tánum eftir allt sjoppið

Inní limmó (eeeeldsnemma um morgun)

Finnur átti afmæli í Sarasota. Hann varð fimmtugur í fimmta sinn.

Ég fékk sunpoisoning á degi 3 og varð að halda mig frá sólinni. Í staðinn púslaði ég 1500 bita púsl. Hér sjáið þið Kára bróður hjálpa mér að leggja lokahönd á púslið.

og ég ótrúlega stolt

og það var svo sorglegt að skemma það

Kári tók það aðeins meira nærri sér eins og allt....

Hér erum við frændsystkinin hjá styttunni af John Ringler (??) í miðbæ Sarasota

Mamma að hugga Kára það er svo sorglegt að yfirgefa Florida

Við Geir erum samt kát

Það var svoldið erfitt að pakka öllum skónum sem bættust í safnið

2007-05-24T16:40:00.000Z

Hún Unnur var gæsuð um daginn og við byrjuðum á að fara á fjórhjól. Hér er mynd af því, á myndina vantar Huldu guide. Svo var Unnsa klædd í nornabúning og bauð gangandi vegfarendum í bænum far á glitrandi nornakústinum sínum. Einn afþakkaði því hún var að drekka, eh það er bannað að drekka og keyra kúst. Þetta var ferlega gaman og ég er að bíða eftir að fá fleiri myndir frá þeim sem tóku myndir. Ég tók engar því ég á ekki myndavél.

2007-05-23T21:25:00.000Z

ÉG hef tekið eftir að allar færslurnar mínar byrja á ég. Enda er ég mjög sjálfmiðuð. Hafið þið ekki tekið eftir svona skrifkækjum, þegar maður tekur eftir þeim eru þeir það eina sem maður (ég) sér. Annars er ég eiginlega komin í sumarfrí bara, allavega í flestum vinnunum.

Svo langar mig svo í myndavél, ég hef ekki átt þannig síðan bara Finnur gaf mér Olympus svona filmumyndavél í afmælisgjöf fyrir hundrað árum og hún endaði samanplástruð og full af sandi. Þannig að ég á afmæli 3. sept en er að hugsa um að halda uppá það um helgina.

Annars fékk ég brennisteinssýru á puttann áðan, var að losa stíflu í baðinu mínu, með hanska og trekkt og allar græjur. Og brennisteinssýran sem snerti ekki einusinni puttann heldur fór gufan af henni á hanskann sem varð gulur og puttinn undir soðnaði og er núna stærri en hinn og bragðast skringilega. (soldið súr) Hefur einhver lent í því?

Nú er ég farin út að berjast áfram við rauðmaurana. Keypti allt eitrið sem var til í blómaval, ef það virkar ekki þá á ég annann brúsa af brennisteinssýru. Það ætti að drepa þessi ógeð, í alvöru, ég er búin að prufa að maka bensíni í gluggana, spreyja eitri, hella steinolíu og matarsóda meðfram húsinu (held að nágrönnunum hafi ekki orðið um sel) og þessar pöddur bara vilja ekki útrýmast. Ef eitrið virkar ekki þá ætla ég að sjóða þá, setja salt og ef allt bregst, þá er íbúð til sölu.

2007-05-18T23:42:00.000Z

Ég fann nýja uppáhaldsbrandarann minn í séð og heyrt. Ég man hann kannski ekki nákvæmlega en hann er umþaðbil svona:

Allir starfsmenn hjá einhverjum stað fengu úthlutuð ný netföng. Þau voru 9 bókstafir svo @eitthvað.is. Bókstafirnir voru fyrstu 3 í fornafni, fyrstu 3 í eftirnafni og fystu 3 í starfsheiti. Rúnar Karlsson sérfræðingur var fljótur að segja upp.

Ok, leiðrétti hann þegar ég finn séð og heyrt aftur en u get the point.

2007-05-16T22:42:00.000Z

Ég var að koma af útskriftartónleikum í Salnum og komst að því enn aftur að það eru allt of margir sem bara kunna sig ekki á tónleikum. Þessir fáu sem mættu voru að klappa á vitlausum stöðum, milli þátta og svona og æða inn þegar tónleikarnir voru löngu byrjaðir. Það er kannski skiljanlegt hjá fólki fer aldrei á tónleika og þekkir ekki verkin sem er verið að spila. Þessvegna, mín kæru, eru hér leiðbeiningar, ef þið neyðist einhverntímann til að fara á tónleika (til dæmis hjá mér).

Mætið tímanlega, það er glatað að koma of seint.
Ef þið komið óvart of seint, bíðið með að opna dyrnar þangað til að þið heyrið klapp og læðist þá inn og setjist í fyrsta sætið sem þið sjáið, getið svo fært ykkur í hléinu.
Ef þið eruð ekki viss hvenær á að klappa, horfið á einhvern sem virðist vanur og klappið þegar hann klappar.
Takið með myntur eða eitthvað ef þið eruð með hósta og reynið að sitja við ganginn ef þið gætuð þurft að rjúka út.
EKKI TAKA MEÐ ÓÞEKK BÖRN Á TÓNLEIKA eða smábörn sem fara að grenja eða hafa hátt. Þó ykkur finnist það voða krúttlegt þá er það ekki við hæfi.
Reynið að forðast að vera með hárgreiðslu sem nær alveg upp í ljósakrónu og ef þið eruð risar, þá er voða kurteist að hlamma sér ekki beint fyrir framan dverg. (þetta gildir við fleiri tilefni, td. í kvikmynda- og leikhúsum)
Ekki prumpa.

Góða skemmtun

2007-05-10T09:35:00.000Z

Ég mætti óvart klukkutíma of snemma í skólann. Þetta er búið að stytta mér stundir. Kisur eru svo fyndnar:)

2007-05-10T00:04:00.000Z

Ég var næstum búin að gleyma þessu alveg óborganlegt:) Rakst á þetta hjá Jennýju, bjargaði deginum. Ekki að hann hafi verið slæmur. (Hulda þú átt að klikka á undirstrikaða orðið, þá sérðu vídjóið)

Íbúðin mín verður tekin í gegn í sumar, ég skal klára þar sem frá var horfið í hittífyrra, mögulega setja listana og klára að spasla og svona. Mig er búið að langa svo að flytja, helst á hæð þar sem ég get haft dregið frá án þess að allir sjái inn og það sé ekki hundar að kúka alltaf í beinni sjónlínu þegar ég sit og drekk morgunkaffið. En, prufa fyrst að gera fínt hér, eitra fyrir rauðmaurunum með bensíni (vona að það skaði ekki kisu) setja kattalúgu á útidyrnar og kisa getur bara búið í forstofunni á nóttunni og dreift ormum þar í staðinn. Fá mér gervihnött og plasma og uppþvottavél og steinway flygil... eða bara sófaborð.

2007-04-08T11:13:00.000Z

Gleðilega páska. Ég er páskasveinninn sem fór færandi hendi til Londonfjölskyldunnar minnar (Kári, Hilmar, Helga og Ástmann) á skírdag með 8 páskaegg, páskalamb og sjálfa mig. Svo ákvað ég að gleðja líka íslensku fjölskylduna og ferjaði Kára bróður óvænt til Íslands á föstudaginn langa. Ég á von á að fá geislabauginn afhentan hvað úr hverju við hátíðlega athöfn.
Hér er brot úr ræðunni sem ég mun flytja:
Kári, Hilmar, Helga, Ástmann, bróðir hans og mr. Remax, takk fyrir frábært fimmtudagskvöld. Sake og kampavín, takk fyrir ömurlegan föstudag.
Ræðan mun birtast í heild sinni á mbl.is eftir helgi.

2007-03-30T00:25:00.000Z

Fékk þetta sent áðan, tékkitát. Ég þekki engan íslenskan píanógrínara, ég ætti kannski að gerast frumkvöðull.?

2007-03-18T20:31:00.000Z

Þá eru úrslitin ljós eftir langa og vafasama talningu. Eva stendur uppi sem sigurvegari með 2 stig. Maja og Hulda deila 2-3 sæti með 1 stig hvor. Það gat enginn giskað á allt rétt sem er skiljanlegt, þetta var mjög erfitt.

Hér er mynd af sigurvegarnum, tekin á keilumóti mæðra og Lísu á föstudaginn var.

Hér er svo stigataflan, ef grannt er skoðað sést hver er með lægstu stigin. Tek það fram að það er bara því keila sökkar og það er glatað að vera góður í keilu.

2007-03-08T23:20:00.000Z

Þá er það síðasta spurningin í þessari keppni. Hver er á myndinni?

a) Eyþór Arnalds

b) Elísabet Þórðardóttir

c) Yo-yo Ma

Þakka þeim sem tóku þátt.

2007-03-06T23:28:00.000Z

Best að ýta Sambó Bárðar aðeins niður, þá er það riðill 2, spurning 1. Hver er á myndinni?

a) Ron Perlman

b) Eiríkur Hauksson

c) Ómar þegar hann hafði hár

2007-03-06T11:50:00.000Z

Ókei fólk

Þá er það seinni spurningin í riðli eitt. Hver er manneskjan á myndinni?

a) Maja

b) Litli svarti Sambó

c) Whoopi Goldberg

Vinningshafar munu svo birtast í Morgunblaðinu að keppni lokinni.

2007-03-04T20:59:00.000Z

Ég hef ákveðið að hafa "þekkirðu manninn" keppni hér á blogginu. Fyrsta spurning í riðli eitt kemur hér. Hver er manneskjan á myndinni?

a) Maja

b) Einar Bárðarson í þröngum hvítum bol

c) Jabba the hut

Vegleg verðlaun í boði fyrir þá sem svara rétt.

2007-02-24T12:56:00.000Z

Ég er að verða reddí að gifta mig, búin að finna kjólana, allavega 3 af þeim, ætla nefnilega að gera eins og Noregskonungur gerði á sjötugsafmælinu og hafa veislu í viku. Þá gengur náttúrulega ekki að vera í sama kjólnum alltaf. Er núna komin með töff, slöttí og elegant. Ok, þá er bara að finna dagsetningu og brúðguma, jeij hvað ég hlakka til.

Svo lofaði ég Maju færslu um vaxtarræktalessurnar. Þannig varnú það að við vorum eitthvað að ræða vaxtarrækt og stelpur og hvenær er eiginlega nóg komið. Talið barst einhvernvegin út í að þær hlytu margar að vera lessur og þegar þær eru með náttfatapartý þá, ólíkt okkur hinum sem förum í koddaslag á nærfötunum, hljóta þær að fara í alvöru blóðugan slag, missa tennur og spýta blóði og svona. Sjáið þið þetta ekki fyrir ykkur?

2007-02-07T08:20:00.000Z

Ég veit ekki afhverju allir linkarnir mínir fóru í klessu og nenni ekki að finna út úr því. Þetta er bara töff svona.

Ég er að þessu sinni stödd í Luzern eftir að hafa verið á skíðum í nokkra daga í Davos með Hilmari frænda, Kára og co. Ég er orðin frekar góð á skíðum bara þó ég segi sjálf frá. Ég datt aldrei og þó ég væri alltaf síðust (fyrir utan Kára og Migele á snjóbrettunum) þá munaði ekki miklu undir lokin. Tala nú ekki um eftir einn eða tvo jagerte sem jók hugrekkið um helming.

Vill einhver koma með mér til Spánar í málaskóla í sumar? Kannski í einn mánuð eða svo, jafnvel styttra. Það er hægt að leigja fínar íbúðir sem kosta sama og ekkert ef það leigja nokkrir saman. Bind ekki miklar vonir við útungunaklúbbinn minn en veit að Kára bróður fannst þetta góð hugmynd. Hann er að nálgast tvítugt sem mun líklega vera eini aldurshópurinn sem ég fæ með mér í svona vitleysu og ég bið einhvern um að afsanna það hér og nú:)

Kannski set ég inn myndir þegar ég nenni.

2007-01-06T14:31:00.000Z

Gleðilegt ár.

Ég er búin að kenna Kisumín að sitja. Hún hlýtur að vera gáfaðasti köttur í heimi, ef held út hendinni og segi sestu mjálmar hún og sest. Ég er búin að prufa þetta bæði með verðlaunum og án. Sannkölluð sirkuskisa. Skal reyna að taka þetta upp á vídjó ef tæknin leyfir til að sanna mál mitt.

Annars er ég að hugsa um að fara út í pólitík. Skráði mig í vinstrigræna og ætla að vera virk í stjórnmálalífinu. Jafnvel fara í framboð. Ég gerði lista yfir það sem mér finnst að betur mætti fara í borgarmálum og hann getið þið nálgast hér.

2006-12-14T13:28:00.001Z

Í fréttablaðinu í dag er kona að hneykslast á því Íslendingar séu að borga fyrir skólamáltíðir hjá afrískum börnum. Hún vill sko fyrst sjá íslensk börn fá ókeypis mat áður en við förum að "laga til úti í heimi". Á næstu opnu er grein um þurrka og hungursneyð í Afríku og mynd af svöngum, vannærðum börnum.

Mér finnst að það hefði verið mun áhrifararíkara hefði konan látið fylgja myndir af grindhoruðum og svöngum íslenskum börnum með þessum pistli sínum. Etv. með fyrirsögninni "Hungursneyð á Íslandi" eða "Íslensk börn fá ekki nóg að borða"

2006-12-12T22:47:00.000Z

Hey vissuð þið að Thomas Edison var lesblindur??
Uppáhaldsbrandarinn minn hefur öðlast nýja merkingu:

Hvað lesblinda til að skipta peru um?

2006-12-05T23:54:00.000Z

Ég er að gera ritgerð, sem ég á að skila eftir nokkra klukkutíma. Best að eyða þá tímanum í að blogga. Deila kannski með ykkur smá broti úr Um Fryderyk Chopin: Ævi hans og einstök verk eftir Árna Kristjánsson. Þegar hér er komið við sögu eru Chopin og Sand nýflutt til Mallorca:

Það fór því ekki á milli mála að íbúar þorpsins í Valldemosa voru allt annað en hrifnir af þessu “heiðna” og í alla staði guðlausa “innrásahyski” sem braut allar kristnar reglur: sótti ekki messur, hirti ekki um skriftir eða altarisgöngu, var stjórnað af fyrirferðarmikilli maddömmu sem gekk í buxum og æddi um sveitina með börn sín tvö og gerði kröfur; hafði auk þess tæringarsjúkan elskhuga tjóðraðan inni hjá sér. Hver er þessi kvenvargur-spurðu innfæddir-sem gerir kröfur á einhverri skollafrönsku? Hver er þessi tæringarsjúklingur- ó, vei!- þessi örkumla píanisti, sem lifir í “synd” með móður tveggja barna?

Skemmtilegt:)

2006-11-29T23:59:00.000Z

Fæ alveg gæsahúð alltaf þegar ég hugsa um þessa sögu. Ég veit að allir þekkja hana mig langar samt að hafa hana hér.

Einu sinni var vinnukona á bæ. Hún hafði orðið þunguð, alið barn, og borið út, sem ekki var mjög ótítt á landi hér, meðan harðar skriftir, sektir eða líflát voru lögð við slíkum brotum. Eftir það bar svo til eitthvert sinn, að halda átti gleði þá, er vikivaki nefndist og alltíðir voru hér áður á landi, og var þessari hinni sömu stúlku boðið til vikivakans. En af því hún var ekki svo fjölskrúðug, að hún ætti skartföt, er sambyði slíkum skemmtifundi sem vikivakar voru á fyrri dögum, en var kona glysgjörn, lá allilla á henni, að hún yrði þess vegna að sitja heima og verða af gleðinni. Einu sinni á málum, meðan gleðin stóð til, var griðkona þessi að mjólka ær í kvíum með öðrum kvenmanni; var hún þá að fárast um það við hina mjaltakonuna, að sig vantaði föt að vera í á vikivakanum; en í því hún sleppir orðinu, heyra þær þessa vísu kveðna undir kvíaveggnum:

"Móðir mín í kví, kví,
kvíddu ekki því, því;
ég skal ljá þér duluna mína
að dansa í
og dansa í."

Griðkona sú, sem borið hafði út barn sitt, þóttist þekkja hér skeyti sitt; enda brá henni svo við vísuna, að hún varð vitstola alla ævi síðan.

2006-11-09T19:23:00.000Z

Það er víst enginn maður með mönnum lengur nema að hann sé með mæspeis, hér er mitt.

2006-10-30T11:19:00.000Z

Ekki slæmar móttökur sem við Hulda fengum í London. Að sjálfsögðu beið bílstjóri með skilti eftir okkur, tilbúinn að skutla okkur hvert sem er. Töff.

2006-10-25T20:03:00.000Z

Hey ég er búin að týna linkunum mínum. Sjáið þið þá? Svo, þar sem ég er svo afkastamikill bloggari þá er ég líka farin að blogga með stelpunum á www.crazymojito.central.is eða er allavega á leiðinni. Mér tókst ekki alveg að logga mig inn, þetta er einhver tölvuóhappadagur hjá mér í dag.

2006-10-10T21:18:00.000Z

Nú fer að líða að næsta saumaklúbb og í tilefni þess höfum við Hulda ákveðið að halda píanótónleika. Leikin verða lög eins og Sunnudagsbíltúrinn, Sprett úr spori og fleiri gullmolar úr smiðju Björgvins Valdimarssonar. Ég læt fylgja með mynd af okkur Huldu við æfingar.

2006-10-02T22:21:00.001Z

Ef eg ætla að gera ´´i koma alltar tvær kommur ´´a undan ´´i staðinn fyrir eina ofan´´a. Veit einhver afhverju? Þetta fer illa i taugarnar a mer.
Svo er eins og eg hafi verið lamin með lurkum. Var a fusion fitness festival um helgina, for i næstum alla timana og liðanin er eftir þvi nuna. Djöfull var samt gaman. En nu er eg komin með hita:(

Kisuna sem Geir broðir fann vantar ennþa heimili, skrollið niður til að sja mynd af henni. Hun er svakalega goð og ljuf. Hun er bara 3 manada og hun sygur a ser loppuna þegar hun sefur, það er ekkert sma kruttlegt. Hver vill hana?

2006-09-30T08:44:00.000Z

Þessu varð ég að stela af Þórdísar bloggi:) Stelpur. Er þetta satt? Því miður held ég það nefnilega, hálf roðna bara við að lesa þetta. Samt hrikalega hlægilegt.

When we girls drink too much......

1. WE HAVE ABSOLUTELY NO IDEA WHERE OUR HANDBAG IS.

2. WE BELIEVE THAT DANCING WITH OUR ARMS OVERHEAD AND WIGGLING OUR BUTT WHILE YELLING "WOO-HOO!" IS TRULY THE SEXIEST DANCE MOVE AROUND.

3. WE'VE SUDDENLY DECIDED THAT WE WANT TO KICK SOMEONE\'S ASS AND HONESTLY BELIEVE WE COULD DO IT TOO.

4. IN OUR LAST TRIP TO PEE, WE REALIZE THAT WE NOW LOOK MORE LIKE A HOMELESS HOOKER THAN THE GODDESS WE WERE JUST FOUR HOURS AGO

5. WE START CRYING AND! TELLING EVERYONE WE SEE THAT WE LOVE THEM SOOOOO MUCH.

6. WE GET EXTREMELY EXCITED AND JUMP UP AND DOWN EVERY TIME A NEW SONG PLAYS BECAUSE "OH MY GOD! I LOVE THIS SONG!"

7. WE'VE FOUND A DEEPER/SPIRITUAL SIDE TO THE GEEK SITTING NEXT TO US.

8. WE'VE SUDDENLY TAKEN UP SMOKING AND BECOME REALLY GOOD AT IT.

9. WE YELL AT THE BARTENDER, WHO WE BELIEVE CHEATED US BY GIVING US JUST LEMONADE,

BUT THAT\'S JUST BECAUSE WE CAN NO LONGER TASTE THE GIN.

10. WE THINK WE ARE IN BED, BUT OUR PILLOW FEELS STRANGELY LIKE THE KITCHEN FLOOR (or the mop?)

11. WE FAIL TO NOTICE THAT THE TOILET LID'S DOWN WHEN WE SIT ON IT.

12. WE TAKE OUR SHOES OFF BECAUSE WE BELIEVE IT\'S THEIR FAULT THAT WE\'RE HAVING PROBLEMS WALKING STRAIGHT.

2006-09-26T18:09:00.000Z

Geir bróðir fann þessa kisustelpu í síðustu viku, er hún ekki sæt?

2006-09-12T13:17:00.000Z

Ég fæ af og til keðju email sem ég eyði undantekningalaust strax. Ég þoli ekki að fá þannig, nema það sé í gríni, en ég hef fólk sem sendir mér svoleiðis samt grunað um að vera fúlasta alvara með því. "sendu þennan vinapóst til 11 manns sem þú lítur á sem vini þína innan 3 mínútna og þá muntu missa 7 kíló, ef ég fæ ekki póstinn til baka lít ég ekki á þig sem vin minn" Kommon.

Rakst á þetta keðjublogg hjá Ástu og fannst það svo fyndið:

Ef þú lest þessa færslu og rekur bloggsíðu skaltu koppí/peista hana þangað. Annars gerist eitthvað ömurlegt:
Siggi var starfsmaður í kísilvinnslunni við Mývatn. Hann sá þessa færslu en fylgdi ekki fyrirmælum og nú hefur vinnslunni verið lokað og nú er hann atvinnulaus fáviti.
Katrín er einstæð móðir frá Hveragerði. Hún rak jólaþorpið-Hveragerði við mikinn hagnað. Hún sá þessa færslu og rétt eins og Siggi þá fylgdi hún ekki fyrirmælum. Nú er ekkert jólaþorp í Hveragerði. Hún fékk vinnu í tívolíinu til skamms tíma en nú hefur því verið lokað. Katrín er núna aumingi.
Hannes starfaði sem prentsmiður hjá Prentsmiðju Suðurlands. Hannes fylgdi fyrirmælum, en ekki alveg. Hann leiðrétti stafsetningarvillur áður en hann ýtti á "publish" takkann. Vikublaðið Selfossfréttir er nú algerlega unnið á stafrænan hátt. Hannes kann ekkert á tölvur og eyddi sínum lífdögum þaðan af sem fáráðlingur. Þegar hann dó fór hann til helvítis.

2006-09-03T15:40:00.000Z

Ég á afmælídaaaag

2006-08-25T16:52:00.000Z

Ég henti lirfunum, það var nákvæmlega ekkert gaman að þeim og ég er viss um að þeim líður miklu betur í ruslatunnunni og munu breytast í falleg fiðrildi innan skamms. (eða maðkflugur) Ekki einhver vitleysingur alltaf að hrista þær í krukkunni til að sjá hvort þær séu lífs eða liðnar. Ég henti krukkunni líka að sjálfsögðu.

Skólinn er að koma skemmtilega á óvart. Það fékk bara einn nemandi hláturskast í raddþjálfunartíma í dag þegar við áttum að horfast í augu, faðma og nudda hvort annað og setja hendur á brjóstin á hinum osfrv. og ég sver að ég þekki þá manneskju ekki neitt.

Svo er ég ekki búin að fá fréttablaðið í marga daga, þú sem berð út í norðurmýrinni svei þér letihaugur!

2006-08-21T21:32:00.000Z

Lirfurnar mínar lifa ennþá í krukkunni og ég var farin að vorkenna greyjunum svoldið svo ég setti laufblöð og strá ofaní til þeirra. Það kom samt ekki góð lykt úr krukkunni, eiginlega svona lykt einsog maður myndi búast við að komi af því sem bjó í dauðum fugli í viku. Mér er samt farið að þykja svolítið vænt um þær svo ég ákvað að gefa þeim nöfn. Helga og Hulda. Helga er aðeins ljósari á hörund en Hulda. Hulda er meira bráðþroska, það eru strax farnir að gægjast fálmar út úr afturendanum. Eða lappir, er ekki viss. Ég ætla að reyna að taka mynd af þeim bráðum. Vitið þið hvort lirfur þurfi að borða eitthvað?

Ég keypti 2 aukabjöllur á Kisumín áðan, hún er ekki sátt. Hún hleypur nú um eins og hávært jólatré með 3 dinglandi marglitar kúlur um hálsinn.

2006-08-20T23:01:00.000Z

Varúð ekki fyrir viðkvæma:

Kisamín færði mér gjöf um daginn, mig grunar að það hafi verið á sunnudaginn síðasta en ég fór til London á mánudaginn og kom heim í gær. Í morgun sá ég að svefnherbergisgólfið og gangurinn var allt þakið lirfum. Risavöxnum slímugum viðbjóslegum ormasniglalirfum. Ég hringdi hálfgrenjandi í Jennýju frænku því hún á kött sem ælir ormum og hún býr rétt hjá, hélt kannski að kisa hefði bara ælt þessu, en Jenný sagði mér að þá væru þeir meira eins og spagettí. Mmmm. Hún bauðst til að koma og kíkja á þetta, kom svo í ljós að henni fannst þetta alveg jafn skelfilegt og mér ef ekki verra bara. Hún hringdi samt og spjallaði við nokkra meindýraeyðara og reyndi að lýsa kvikindunum, og þeir sögðu að þetta gæti verið hvað sem er en væru líklegast skordýralirfur, kannski margfætlulirfur og að ótrúlulegustu hlutir gætu farið að maðka. Ég sá fyrir mér gamlan sokk undir rúmi sem hefði farið að maðka meðan ég var í burtu og við söfnuðum kjarki til að kíkja undir rúm. Veit, rúmið sem ég svaf í í nótt. Þar var enginn sokkur, bara slatti af ryki og DAUÐUR FUGL! Hlaut koma að því. Við hringdum út um allt og enginn vildi hjálpa okkur að taka fuglinn fyrr en mamma Jennýjar og maðurinn hennar sáu aumur á okkur og fjarlægðu fuglinn með aðdáunarverðum hetjuskap. Get ekki sagt að ég hafi sýnt mínar hetjulegustu hliðar í dag, held ég þurfi áfallahjálp. Við gúggluðum auðvitað fyrirbærið. Hér getið þið lesið allt um líkorma, vona að þið hafið gaman af. Það er meiraðsegja mynd. Ég geymdi 2 í krukku sem sönnunargagn en þeir eru dauðir. Bömmer. Ætlaði að sjá hvort þeir myndi breytast í flugur. Ég er að sjálfsögðu búin að sótthreinsa íbúðina, skúra og skrúbba, það var heldur betur kominn tími til. Ég ætla að kaupa kúabjöllu og setja á kisu núna. Hún sýnir engin merki iðrunar, liggur bara alsæl á sófanum og malar núna.

Ég keyrði bíl í London í fyrsta sinn í vikunni og er orðin frekar fær í að keyra vinstra megin svo lengi sem stýrið sé vinstra megin líka. Prufaði hinsegin bíl með stýrinu hægra megin en endaði alltaf hálf uppi á gangstétt eða inni í runnum. Svo kenndi ég pallatíma í Basingstoke í Fitness first þar sem Katerina kennir tæbó, það vantaði kennara á síðustu stundu og Katerina hefur aldrei kennt palla og bað mig um að gera það. Það gekk vel en þetta var pínu eins og í martröð þar sem maður þarf að gera eitthvað algjörlega óundirbúinn. Ég var ekki með neina tónlist, fékk lánaðan einn disk sem var allt of hægur, vissi ekki hvað sporin heita á ensku og kunni ekkert á mækinn. Samt reddaðist það eins og allt annað og úr varð bara fínasti tími.

Verð svo að segja frá stráknum sem sat við hliðina á mér í flugvélinni á leiðinni út. Hann var ekki sætur svo ég nennti ekki að tala við hann. Las í staðinn bókina mína og reyndi að virðast mjög niðursokkin. Hann var líka með 2 bækur og laptop. Önnur bókin var um stríðsheimspeki, hin hét "the ultimate backgammon strategy" eða eitthvað þannig, svo blaðaði hann í henni á milli þess sem hann spilaði backgammon í tölvunni með tilheyrandi fagnaðarlátum þegar hann vann. Mér fannst þetta meira en lítið skrýtið en hélt bara áfram að lesa. Svo fór hann að tala við mig, opnunarlínan var: Langar þig að sjá vídjó af hákarli éta sel. Svo sýndi hann mér að virtist endalaust vídjó af hákarli elta og éta sel, grey selurinn. Ég hélt áfram að lesa eftir smá kurteisisspjall um hvali. Þá stóð strákurinn upp og byrjaði að gera leikfimiæfingar á gólfinu. Akkúrat þá var ég á ógeðslega fyndnum stað í bókinni og fékk hláturskast, greyið hélt örugglega að ég væri að hlægja að sér og talaði ekkert meira við mig það sem eftir var af ferðinni.

Ég er svo að byrja í skóla á morgun, skráði mig í kennaranám í listaháskólanum, haldiði ekki að það sé sniðugt? Með vinnu að sjálfsögðu, bara hálft nám. Held þetta sé orðin lengsta færsla sem ég hef skrifað. Endir.

2006-08-06T18:29:00.000Z

Aðeins að ýta Bjössa bangsa neðar með mynd af okkur Maju og beljunni góðu, tekin í gær á Eskifirði á leiðinni á ball á Neskaupstað.

2006-08-05T19:43:00.000Z

Bjössi brundbangsi, keyptur í Shell á Eskifirði. Blessuð sé minning hans, hann smakkaðist vel.

2006-08-02T18:33:00.000Z

Hlutir til að gera áður en ég verð 27:

Læra að ganga á höndum eða allavega geta staðið á þeim ein og óstudd
Ganga á Keili
Langar að segja lakka hurðir og karma heima og skipta um hurðarhúna en veit að ég mun ekki gera það.

Hér kemur svo óskalistinn:

-Uppþvottavél
-Iðnaðarmaður til að lakka hurðar og karma
-Gjafakort á alla helstu veitingastaði, snyrtistofur og íþrótta- og fatabúðir bæjarins

hugsa að ég hætti hér. Sko, bara 3 hlutir:)Muniði svo fólk, það er 3. september. 3. SEPTEMBER ok?

Annars eru Chippendales á Broadway 18. ágúst, ætlum við nokkuð að missa af því?

2006-07-28T13:03:00.000Z

Í gærkvöld flaug inn til mín stærðarinnar vespugeitungur og setti allt á annan endann. Svo þegar Helga ætlaði að rota hann með fréttablaðinu (ég faldi mig úti á meðan) framdi hann sjálfsmorð í lampanum mínum. Greyinu hefur þótt ljósið fallegt og ætlað að skoða það nánar sem fór ekki betur en svo að hann grillaðist. Fyrst kom reykur svo vond lykt og svo eldur, mér stóð sko ekki á sama og slökkti á lampanum.
Lampi til sölu. Hentar vel til að grilla skordýr, nú eða bara sem skordýragildra. Tilboð óskast.

2006-07-26T13:37:00.000Z

Ég gekk Laugaveginn um helgina, fleiri myndir er að finna á Helgu síðu og þar er meiraðsegja texti undir. Læt hér 2 fylgja af okkur hetjum, Helgu Huldu og mér dag 1 og dag 3. Ekki hægt að segja annað en að við fengum mjög fjölbreytt veður.Takið eftir fjallgöngudressi Huldu á fyrri myndinni. Nei þetta eru ekki stuttbuxur, þetta er minigallapils.

2006-07-15T18:38:00.000Z

Ekki kaupa tigertiger Easy Snax örbylgjunúðlur, þær eru ógeð. Veit, nafnið hefði átt að segja mér það en samt keypti ég 2 box. Hugsa að ég sendi hitt boxið til svöngu barnanna í Afríku. Kannski finnst þeim þær góðar. Ætli þau séu með örbylgjuofn?

2006-07-13T10:04:00.000Z

Sumt fólk bara hreinlega stígur ekki í vitið. Eiturlyfjasmyglarar eru greinilega ekki mjög viti bornir. Eiturlyfjasmyglarar sem nást enn síður. Mér finnst ég undanfarið vera búin að rekast á óvenjumargar fréttir af fólki sem er gómað við að reyna að smygla dópi inn í landið og fyndnast er að lesa útskýringu þeirra á smyglinu. "Ég hélt þetta væru hestasterar" sagði einn Lithái þegar hann náðist með 12 kíló af amfetamíni um daginn. Hestasterar. Nú er ég ekki fróð um hestastera en efast um að það þyki sjálfsagt að keyra um með þá í kílóavís. Ok, hálviti númer eitt. Það er vonandi bara tilviljun að hálviti númer tvö er líka frá Litháen. "Við húsleit á heimili skjólstæðings Sveins fann lögreglan uppskrift af amfetamíni í föstu formi og etanól, ásamt tveimur e-töflum. Uppskriftina sagðist sá ákærði hafa sótt fyrir vin sin og ekki vitað að væri fyrir amfetamínframleiðslu. Etanólið sagðist hann nota í bakstra við bakverkjum og töflurnar sagðist hann hafa fundið á gólfi skemmtistaðar, tekið upp og gleymt. Hann hefði borgað farið fyrir félaga sinn af greiðasemi þar sem hann ætti krítarkort og gæti því fengið hagstæðara verð á netinu. Hann hefði fengið endurgreitt í peningum." www.visir.is. Say no more.

Heyriði og Friðrik Ómar er kominn út úr skápnum. Gott hjá honum en var einhver einhverntíma í vafa um hvort hann væri gay? Einhver? Hélt ekki.

2006-07-06T14:10:00.000Z

Þetta er platan Ég skemmti mér í sumar sem er framhald af plötunni Ég skemmti mér, sem sló í gegn fyrir jólin 2005. Hún inniheldur sumarlög frá árunum 1950-1975, eins og Óbyggðaferð, Sveitaball og Ég vil fara upp í sveit. Þið getið lesið meira um þetta og annað sem á daga Friðriks drífur á fridrik.is

2006-07-02T00:06:00.000Z

Ég er veik núna eina ferðina enn og er því búin að horfa á allt í sjónvarpinu og þá meina ég ALLT. Meira að segja bachelorette. Það var núna áðan og Jen var að velja síðustu tvo. Annar er mjög sætur og heitir Jerry. Hinn er mongólíti og er hér á myndinni til vinstri. Afsakið en OJ! Hann er ekki skárri í þáttunum, viðbjóðslega væminn og það er eins og hann sé lamaður í framan. Ég er svo yfir mig hneyksluð á þessum þáttum. "Mig langar bara að finna hina einu sönnu ást" Besta leiðin er þá augljóslega að kela við tuttugu menn á jafnmörgum dögum. Eða vikum, who gives.. Allavega þá fór ég á heimasíðuna til að ná í myndina af Jean-Paul, sem btw. er 25 ára, og sá að hún endar með að velja Jerry. Sorrý bachelorette aðdáendur.

Ef ég dey úr kvefi og hálsbólgu hver ætlar þá að hugsa um Kisumín?

Að lokum:

Hvað sagði mamma ljóskunnar við hana?
Ef þú ert ekki komin í rúmið klukkan tíu komdu þá heim.

Hvað sagði hægri löppin á ljóskuni við vinstri löppina?
Ekkert, þær hafa aldrei hist.

Hvað þarftu margar ljóskur til að búa til súkkulaðibitakökur?
Tíu.. eina til að hnoða degið.. níu til að skræla m&m:)

2006-06-28T10:57:00.000Z

Má ég æla? Er að horfa á endursýningu á Opruh "he's not that into you" þættinum. Góð hugmynd sem hjálpar konum að losa sig við aumingja sem nota þær. Hér er það sem böggar mig. Samkvæmt þessu vilja allar konur giftast og allir karlmenn forðast það eins og heitan eldinn. Maður sér þetta sama í næstum öllum amrísku sjónvarpsþáttunum sem eru sýndir þessa dagana. Sæt kona gift ljótum kalli með bumbu. Konan nöldrar allan daginn yfir kallinum sem er á barmi kransæðastíflu og vill bara drekka bjór og horfa á fótbolta með vinum sínum. Kallinn er alltaf að ljúga og lætur eins og hjónabandið sé fangelsi. Dæmi um slíka þætti: King of Queens, Everybody loves Raymond og margir fleiri.

Hvað fær konur til að koma í svona þátt og segja: Uhuuu Greg, sko ég er búin að hitta gaur í ár og hann vill ekki segja neinum að við séum saman og hann gleymir stefnumótum etc. en ég þori ekki að ræða það við hann því ég vil ekki setja sambandið í hættu. Ok klárt mál, hann er ekki nógu hrifinn af þér, þarftu að fara í spjallþátt og láta segja þér það? Svo fer þessi Greg yfir strikið. Dæmi: Greg, ég er búin að vera með kærastanum í x ár og hann vill ekki giftast mér. Só. Þurfa allir að vilja gifta sig segi ég. Nei Greg segir, Sorrý hann er ekki nógu hrifinn af þér!(hverjar ætli séu líkurnar á því að konurnar í Opruh tali íslensku og séu að lesa bloggið mitt?)

Svo kemur Greg líka með lífsreynslsögu til að opna augun á einu konugreyinu sem er í vandræðum með gaurinn sem hún er búin að deita í 2 mánuði en veit ekki hvar hún hefur hann. Hún er samt búin að sofa hjá honum. Greg segir: Sko þegar ég kynntist konunni minni þá beið ég sko með að sofa hjá henni í 2 mánuði og ég er giftur henni í dag svo sko, það virkar. Þar hafið þið það stelpur. Ef þið viljið giftast, ekki sofa hjá. What? Greg semsagt segir að ef þið sofð hjá strax eða innan nokkra vikna þá mun sambandið bara snúast um kynlíf því kallar hugsa bara með tippinu. Hann heldur greinilega að konur sofi bara hjá til að þóknast. Niðurstaða: Ef þú ert að sofa hjá einhverjum sem þú ert bara búin að deita í 2 mánui er hann ekki nógu hrifinn af þér. Gott að fá þetta á hreint. Held ég þurfi að setja á fót minn eigin spjallþátt.

2006-06-27T10:12:00.000Z

Ég hef stundum velt fyrir mér hvort ég gæti verið með vott af athyglisbrest. Þá á ég við að mér finnst ómögulegt að lesa langa (leiðinlega)texta, hraðles bækur þó þær séu skemmtilegar, man ekki hvað fólk segir við mig og veit þarafleiðandi ekki einusinni við hvað sumar vinkonur mínar vinna nákvæmlega. Ég man sjaldan nöfn og hvað þá í tengslum við andlit. Lenti td. ófáu sinnum í því á Argentínu að vera búin að þjóna einhverjum í hálfa eða heila kvöldstund án þess að fatta að ég þekkti viðkomandi. Svo eru örugglega margir ósammála mér með athyglisbrestinn og vilja skrifa þetta allt á áhugaleysi. Það er eflaust líka rétt. Annar galli er fljótfærni/óþolinmæði. Ég td. þoli ekki eftir að bíða eftir að vatn sjóði eða spagettí sé tilbúið. Enda oft á að drekka bara volgt te og borða hart spagettí.

Maður myndi halda að þetta angraði mig fyrst ég er að birta þetta hér opinberlega en ég er bara að sýna ykkur að það er enginn fullkominn, ekki einusinni ég! Vissulega eru kostirnir fleiri en gallarnir, ætla ekki að telja þá alla upp hér samt því ég vil ekki að neinn fái minnimáttarkennd.

Ég gef skotleyfi á gaurinn sem er úti að vinna með slátturvél eða múrbrjót eða einhvern fjandann. Hann er hér á Bollagötu heyrist mér. Eða einhverstaðar mjög nálægt. Skotmaðurinn fær fallega kisu í laun.

Mig langar aftur til Spánar.

2006-06-23T10:14:00.000Z

Síðasta færsla var ekki vel liðin svo ég fjarlægði hana. Pirringurinn er líka yfirstaðinn.

2006-05-27T11:25:00.000Z

Þá erum við Kisamín búnar að kjósa. Kisamín eltir mig nefnilega útum allt og hefði komið með mér inn í kjörklefann hefði hún fengið inngöngu á Kjarvalsstaði en þess í stað beið hún vælandi fyrir utan. Eru margir kettir svona? Hún kemur með mér út í búð og hangir mjálmandi á glugganum meðan ég er inni. Hún kemur með mér á elliheimilið að heimsækja ömmu og bíður fyrir utan. Hún kom með mér á tónleika í söngskólanum og beið í einn og hálfan tíma fyrir utan og trítlaði svo samferða mér heim. Spes.

2006-04-22T16:23:00.000Z

Guð ég vorkenni svo eiginkonu lýtalæknisins í dr.90210. Í þættinum í dag átti hún svo erfiðan dag. Maðurinn kom of seint heim úr tai kwon do og hún var að verða of sein í klippingu (samt með fullkomið og nýblásið hár) svo þegar hún var á leiðinni í klippinguna byrjaði barnið henar að grenja, eins og börn gera oft þegar mömmur fara og þá hætti hún við, hún gat ekki skilið grenjandi barnið eftir hjá pabba sínum! Svo toppaði daginn þegar einn hundurinn hljóp að heiman og lýtalæknirinn þurfti að fara alla leið yfir götuna að sækja hann. Og konan komin 7 mánuði á leið (lítur út eins og barbí)bara settist örvæntingafullí sófann eftir skelfilegan dag. Getum við ekki gert eitthvað til að hjálpa henni? Sent henni peninga eða eitthvað?

Hulda á 27 ára afmæli í dag og bloggið mitt á 2 ára afmæli í dag. Til hamingju´skurnar.

2006-04-20T14:40:00.000Z

Sumarið er greinilega komið því rétt í þessu sá ég stærðarinnar hunangsfugl á sveimi fyrir utan gluggann minn. Á sumardaginn fyrsta fyrir ári fékk ég Kisumín, á sumardaginn fyrsta fyrir 2 árum byrjaði ég að blogga og í dag er ég að jafna mig eftir spánarferð og gubbupest. Skrapp semsagt til Spánar um helgina með skemmtilegu fólki, drakk sangria og lá í leti, ekki slæm leið til að eyða páskunum. Toppar allavega að vera ein heima og borða núðlusúpu:) Myndir frá ferðinni er að finna á Helgu síðu.

2006-04-10T14:53:00.000Z

Á fimmtudaginn fór ég í háskólabíó að hlusta á Hamrahlíðarkórinn, hefði aldrei nennt ef Kári hefði ekki verið að syngja. Gott ég fór samt, þau eru rosalega góð! Það sem stóð uppúr samt var þegar Sálumessa Mozarts var ca. hálfnuð og ég tók eftir að það hristist eitthvað í sætinu við hliðina á mér. Ég leit við og þá var það ekki jarðskjálfti heldur mamma (mín) í hláturskasti! Textinn sem verið var að syngja var: Rex tremendae majestatis, og kórinn söng fyrst: REX!!!! REEEEX!! ferlega hátíðlegt og allt nema mamma heyrði auðvitað (og ég fattaði reyndar strax hvað var svona fyndið)
RASS!!! RAAAASS!! Ég fór náttúrulega líka að flissa og svo var erindið endalaust og við gátum ekki hætt, frekar vandræðalegt sko. Ég sem er að þykjast vera virðulegur tónlistarkennari og samkennari minn sat beint fyrir framan mig. Og háskólabíó var troðfullt og ég sá engan annan hlægja. Húmorslaust pakk upp til hópa.

2006-04-06T18:21:00.000Z

Sjitt. Ég bara get ekki orða bundist. Setti óvart á stöð 1 núna rétt í þessu og lenti á stundinni okkar! Ég hef aldrei þolað þegar fullorðið fólk leikur börn en kræst, finnst bara mér þetta asnalegt? Ojj get ekki komið í orð hvað mér finnst þetta glatað. Afhverju eiga börn að hafa gaman af því að sjá risavaxið fólk með skegg og/eða brjóst í furðufötum að reyna að tala barnalega en það kemur út eins og þroskaheft(með fullri virðingu og allt) Atriðið sem ég lenti á voru 2 vísindamenn (hún með risagleraugu og hann eins og bróðir hennar Mary í Somthing about Mary) að aulast eitthvað. Æ sjáið bara endursýninguna. Er móðguð fyrir hönd barna. Og þroskaheftra. Og varðandi 6 til 7 þá held ég að fæst orð beri minnsta ábyrgð en pant ekki horfa á föndur í beinni útsendingu. Held þau séu strax orðin uppiskroppa með skemmtilegt efni. Nú er ég farin að minna mig á geðvonda fólkið sem skrifar í velvakanda, best að tuða aðeins yfir því líka:) Ein skrifaði um daginn hvað henni þætti mikið hneyksli að það sé búið að hoppa yfir 2 ár í sápuóperunni Glæstum vonum og hvað hún væri eyðilögð að geta ekki fengið að upplifa meðgöngu Brooke og fæðinu barnsins og svona. Grátbroslegt. Ég elska samt Glæstar vonir. Og síðast en ekki síst, nennir einhver að láta SKO auglýsingarnar hætta. Ef ég sé aðra þá bara DEY ég úr leiðindumzzzzzzz

Verð að láta fylgja eitthvað jákvætt: 3 vikur í Köben og nokkrar í Barcelona. Ef það væru ekki þessar 2 ferðir framundan myndi ég næstum vorkenna mér að vera munaðarlaus alla páskana. Pabbi er að fara til London og mamma og þau til Spánar og Helga á Vestfirði og ég verð bara ein heima að borða núðlusúpu. (kostar bara 39 krónur pakkinn og maður þarf ekki einusinni að vaska upp, besta uppgötvun sem ég hef gert lengi)

2006-03-24T12:02:00.000Z

Tíminn líður aðeins of hratt. Nei allt of hratt, þetta fer að verða skerí. Sko, ég, góðmennskan uppmáluð, gef stundum blóð. Bæði því það er svo einfalt góðverk og það er svo gott að borða í blóðbankanum. Fór þangað áðan í lunch því mér fannst eitthvað langt síðan ég fór síðast. Ég hugsaði að það hlytu allavega að vera komnir 4 mánuðir, stelpur mega nefnilega bara gefa blóð á 4 mánaða fresti( strákar á 3 mánaða)Svo leit ég á blóðgjafakortið mitt þegar ég kom og síðasta blóðgjöf var 22 mars 2005. ÁR OG 2 DAGAR! Hef greinilega ekkert tímaskyn.

Annars hló ég endlalaust að þessu í gær, framúrskarandi flutningur þó þetta sé öörlítið falskt kannski:) Hún fær plús fyrir innlifun og sjarma.

2006-03-21T19:37:00.000Z

Aha!! Mikið var gott að fá þetta á hreint:

Your Inner Eye Color Is Blue

You've got the personality of a blue eyed women

You're intense and expressive - and always on the go

You've also got a sweet, playful side - which draws men in

What's Your Inner Eye Color?

Kisamín átti afmæli á miðvikudaginn var og ég steingleymdi því. Dauðskammast mín alveg fyrir að hafa gleymt fyrsta afmælisdegi einkaerfingjans. Fyrirgefðu Kisamín.

Ég er komin með stöð 2 og bíórásina svo nú þarf ég aldrei aftur að fara út:) Það þýðir Idolpartý í Norðurmýrinni komandi föstudaga. Læt fylgja 2 myndir af Kisumín, spurning: Hvort haldiði að hún sé svona lítil eða rassinn á mér svona stór?

2006-03-13T21:28:00.000Z

Hvernig er hægt annað en að elska kisur. Þótt þær komi inn með orma og skemmi húsgögn, þær eru bara svo fyndnar og skemmtilegar. Sjáiði bara.

2006-03-10T12:07:00.000Z

Mars byrjaði illa. Ég fékk flensu 1. mars og hún varði í viku og ég er enn hóstandi. Hef bara ekki orðið svona veik í 7 ár held ég. Ógeð. Flensunni slúttaði ég svo í fyrradag með að kenna 3 leikfimitíma í röð sem er meira en að segja það eftir margra daga kyrrsetu. Kenndi svo 2 í gærmorgunn og mér er illt í rassinum og höndunum og er að fara að kenna aðra 2 á eftir.

Saumaklúbburinn er að fara til Köben eftir nokkrar vikur og svo vorum við Helga að bóka okkur til Spánar í byrjun júní, ætlum að vera í viku á strönd , baka okkur og drekka kokkteila. Verðum bara klukkutíma frá Barcelona svo það er hægt að skreppa þangað og versla. Tina kemur kannski að heimsækja okkur frá Sviss og Katerina frá London.

Sundlaugin á hótelinu okkar í Llorret de mar, ef þið skoðið vel sjáið þið að það er bar ofan í lauginni.

Ég á nokkra vini sem virðast halda að ég hljóti bara að deyja ein því ég er orðin 26 ára og á ekki kærasta og ekki börn og hef heyrt að ég VERÐI að fara að drífa mig áður en það sé um seinan. Skondið, mér finnst lífið mitt einmitt mun meira spennandi heldur en flestra sem eiga mann og barn/börn or er alveg til í svona 2 ár í viðbót af fullkomnu frelsi, ferðast, læra og gera það sem mér sýnist þegar mér sýnist án þess að hafa áhyggjur af því að styggja fúlan maka eða finna pössun fyrir krakkaorma.

Að lokum ætla ég sem einkaþjálfari að gefa ykkur sem viljið grennast ókeypis ráð. Þetta virðist nefnilega vefjast fyrir svo mörgum en þetta er alls ekki flókið. Ok, here goes: Borðið minna og hreyfið ykkur meira. Flóknara var það ekki og ég LOFA að það virkar:)

2006-02-27T10:56:00.000Z

Bollur nær og fjær, til hamingju með daginn!